Թող հրապարակի բոլոր փաստաթղթերը, և վեճը կավարտվի․ Տեր-Պետրոսյանը՝ Փաշինյանին

Մատենադարանում իր 80-ամյակին նվիրված գիտաժողովի շրջանակներում ՀՀ առաջին նախագահ Լևոն Տեր-Պետրոսյանը, պատասխանելով լրագրողների հարցերին, հանդես է եկել մի շարք ուշագրավ հայտարարություններով՝ անդրադառնալով վարչապետ Նիկոլ Փաշինյանի հետ բանավեճի հրավերին, Ղարաբաղյան հակամարտության կարգավորման իր և գործող իշխանության քաղաքականության տարբերություններին և առաջիկա քաղաքական մրցավազքին։

Առաջին նախագահը կտրականապես հերքել է այն տեսակետը, թե Փաշինյանը շարժվում է իր կողմից առաջ քաշված խաղաղության օրակարգով։

Ըստ Տեր-Պետրոսյանի՝ Փաշինյանը կործանեց նախկինում բանակցված բոլոր թեզերը, երբ Ստեփանակերտում հայտարարեց՝ «Արցախը Հայաստան է, և վերջ», ինչը, ըստ առաջին նախագահի, պատերազմ բերեց։

Լրագրողների դիտարկմանը, թե Փաշինյանին իր «հոգեզավակն» են համարում, քանի որ 2008 թվականին նրա կողքին էր կանգնած, Տեր-Պետրոսյանը պատասխանել է.

Ապագայի և հնարավոր ելքերի մասին հարցին առաջին նախագահը տվեց լակոնիկ պատասխան՝ «Ելք միշտ կա»։ Ինչ վերաբերում է առաջիկա խորհրդարանական ընտրություններին Հայ Ազգային Կոնգրեսի հնարավոր մասնակցությանը և իր անձնական ներգրավվածությանը, Տեր-Պետրոսյանը խուսափեց հստակ պատասխանից՝ լրագրողներին հորդորելով հարցն ուղղել ՀԱԿ փոխնախագահ Լևոն Զուրաբյանին։